Vawiin ni 23.5.2013 (Thurs) chawhma dar 11:00 khan MNF buatsaih ‘Milem pathian biak duh lohna kawngzawh’ Chanmari Aizawl atanga Vanapa Hall thleng ropui taka zawh a ni a, Political party huaihawt, Aizawl khawpui chhunga kawngzawha mipui kalkhawm tam ber record siam a ni.
Kawngzawh anihna chhan Vanapa Hall kawtah sawiin, MNF President, Pu Zoramthanga chuan, “He kawngzawh hi Pu Hawla’n Ram Dan a bawhchhia tih vanga nei kan ni lo va. Bible-a Pathian Thupek a bawhchhiat vanga duh lova kawngzawh kan ni” a ti a. “:Exodus Bung 20 -ah chuan, ‘Keimah lo chu Pathian dang reng reng i nei tur a ni lo. Milem siamchawp chibai i buk tur a ni lo va; a rawng i bawl tur a ni hek lo’ a ti a. He Thupek pawimawh pakhatna leh pahnihna hi bawhchhiain Pu Hawla te nupa hian vawi li zet ti luiin, Coconut an sawhkeh a, milem ban sawm nei hmaah chibai bukin an chalte an hnawih sen a. Mizo Kristian-te ram hruaitu lu berin kan Biakin Pulpit-a rawngbawl reng chung sia hetiang a ti hi diklo kan ti nasa em em a. Kan duh lohna leh dona entirin Kawngzawhpui kan nei ta a ni.
“Israel lal Jeroboama’n ‘Israel mipuite u, Jerusalema Jehova be tura kal kher a ngai lo va, Dan-ah leh Bethel -ah sebawngno lem ka siamsak che u hi be mai zawk rawh u,’ tia a thlem sual hnua an biak tak khan Pathian a thinur a, a betu hnam sawmte chu Ninevi lamah salah a a hruaibo ta vek a nih kha. Lalpaa pathian dang thlangtute chu an lungngaihnate a la pung ang tih leh ka rawngbawl duhlo hnam leh ram chu an boral ang a tih angin, kan Pathian hian Amah tlansan a, milem biak hi a haw em em a ni,” Pu Rama chuan a ti a.
“Congress Party hi Mizo Kristian-te tan a tha lo kan tih fo thin hi a dikna a lo lang ta zel a ni. A tirah ‘Mizoramin remna a neih theih nan Congress -ah lem kan chang chauh a ni e’ tiin, ti takin an lo lut a. Tunah chuan zahna nei hauh lovin a lang a pauin an kal ta a. An hotunu ber, Sonia Gandhi pawhin India chhima Tirupathi Hindu Temple -ah a fapa Rahul-a tan malsawmna dilin an puithiam hmaah ‘Lord Venkataswaran hi ka ring e’ tia thu tiamin a tawngtai kha a ni a. “Chu Congress hotu nu chu Kristian, Roman Catholic Kohhran ami meuh a ni. Chutiang ni chung pawha milem hmaa a kun duh tawh hnu chuan a hnungzuitu Pu Hawla te pawhin inthlahrung hauh lovin milem pathian hmaah an kun duh ta zel a. Chu chauh chu ni lovin milem hmaa an kun pawh tim leh zak hauh lovin an insawi thiam zui ta zel a. Hetiang hian kan Kristian Sakhua leh zel pawh min tihdal a, min chimral sak an tum avang hian Congress Party hi a that lohzia tar langin ‘Milem biak duhlohna kawng zawhpui’ hi kan nei ta a ni,” a ti bawk
He huna thusawitu dang, Pu R. Tlanghmingthanga chuan Chanmari kawngah thu sawiin, Mizote hotu dinhmun nihna sang takah duhsak takin Pathianin a hlangkaia, chu anihna chu kan sakhua ni lo, sakhaw dang biakna remchangah a hmangh ta si hi kan hrethiam lo va, kan CM ber sakhaw dang hmaa a tlawm tak si-ah chuan, nang leh kei chu tlawm ve lo mah ila, Mizote hotupa a tlawm tak siah chuan Mizo mipuite hi milem hmaa tlawm angin kan lang lo thei ta lo a ni.
Dr. H. Lallungmuana chuan, Zarkawtah thu a sawi a, Durga Puja-ah a huaihawttu ber emaw tih tura kan Chief Minister ber a han awm ta mai kha a tak em a ni lovang, Pathian nung hming lam ve thin a ni si a. Mahse, hei a thlalak nen lam hmuh theiha a lo awm siah chuan Mizo mipuiten pawi kan ti em em a ni a ti.
Lalthlengliana chuan, Israel Pointah thusawiin, Home Minister, R. Lalzirliana’n dawt sawi a ching lutuk hi sim mawlh teh se, a ti a. MNF Sorkara Minister, Pu Lalrinchhana’n Vety College Library lungphum a phum tumin coconut a sawh keh anga a sawi chu, amah ngei ka han zawt chiang a, Pu Rinchhana chuan, ‘Coconut sawhkeh tir min tum kha, ka tih chi anih loh thu ka hrilha, hnam dang pakhat an sawh kehtir ta mai mai a nih kha,’ tih min hrilh a. Hetianga Home Minister dawt sawi thin hi, a huatthlalaawm takzet a ni a ti.
Kawngzawh anihna chhan Vanapa Hall kawtah sawiin, MNF President, Pu Zoramthanga chuan, “He kawngzawh hi Pu Hawla’n Ram Dan a bawhchhia tih vanga nei kan ni lo va. Bible-a Pathian Thupek a bawhchhiat vanga duh lova kawngzawh kan ni” a ti a. “:Exodus Bung 20 -ah chuan, ‘Keimah lo chu Pathian dang reng reng i nei tur a ni lo. Milem siamchawp chibai i buk tur a ni lo va; a rawng i bawl tur a ni hek lo’ a ti a. He Thupek pawimawh pakhatna leh pahnihna hi bawhchhiain Pu Hawla te nupa hian vawi li zet ti luiin, Coconut an sawhkeh a, milem ban sawm nei hmaah chibai bukin an chalte an hnawih sen a. Mizo Kristian-te ram hruaitu lu berin kan Biakin Pulpit-a rawngbawl reng chung sia hetiang a ti hi diklo kan ti nasa em em a. Kan duh lohna leh dona entirin Kawngzawhpui kan nei ta a ni.
“Israel lal Jeroboama’n ‘Israel mipuite u, Jerusalema Jehova be tura kal kher a ngai lo va, Dan-ah leh Bethel -ah sebawngno lem ka siamsak che u hi be mai zawk rawh u,’ tia a thlem sual hnua an biak tak khan Pathian a thinur a, a betu hnam sawmte chu Ninevi lamah salah a a hruaibo ta vek a nih kha. Lalpaa pathian dang thlangtute chu an lungngaihnate a la pung ang tih leh ka rawngbawl duhlo hnam leh ram chu an boral ang a tih angin, kan Pathian hian Amah tlansan a, milem biak hi a haw em em a ni,” Pu Rama chuan a ti a.
“Congress Party hi Mizo Kristian-te tan a tha lo kan tih fo thin hi a dikna a lo lang ta zel a ni. A tirah ‘Mizoramin remna a neih theih nan Congress -ah lem kan chang chauh a ni e’ tiin, ti takin an lo lut a. Tunah chuan zahna nei hauh lovin a lang a pauin an kal ta a. An hotunu ber, Sonia Gandhi pawhin India chhima Tirupathi Hindu Temple -ah a fapa Rahul-a tan malsawmna dilin an puithiam hmaah ‘Lord Venkataswaran hi ka ring e’ tia thu tiamin a tawngtai kha a ni a. “Chu Congress hotu nu chu Kristian, Roman Catholic Kohhran ami meuh a ni. Chutiang ni chung pawha milem hmaa a kun duh tawh hnu chuan a hnungzuitu Pu Hawla te pawhin inthlahrung hauh lovin milem pathian hmaah an kun duh ta zel a. Chu chauh chu ni lovin milem hmaa an kun pawh tim leh zak hauh lovin an insawi thiam zui ta zel a. Hetiang hian kan Kristian Sakhua leh zel pawh min tihdal a, min chimral sak an tum avang hian Congress Party hi a that lohzia tar langin ‘Milem biak duhlohna kawng zawhpui’ hi kan nei ta a ni,” a ti bawk
He huna thusawitu dang, Pu R. Tlanghmingthanga chuan Chanmari kawngah thu sawiin, Mizote hotu dinhmun nihna sang takah duhsak takin Pathianin a hlangkaia, chu anihna chu kan sakhua ni lo, sakhaw dang biakna remchangah a hmangh ta si hi kan hrethiam lo va, kan CM ber sakhaw dang hmaa a tlawm tak si-ah chuan, nang leh kei chu tlawm ve lo mah ila, Mizote hotupa a tlawm tak siah chuan Mizo mipuite hi milem hmaa tlawm angin kan lang lo thei ta lo a ni.
Dr. H. Lallungmuana chuan, Zarkawtah thu a sawi a, Durga Puja-ah a huaihawttu ber emaw tih tura kan Chief Minister ber a han awm ta mai kha a tak em a ni lovang, Pathian nung hming lam ve thin a ni si a. Mahse, hei a thlalak nen lam hmuh theiha a lo awm siah chuan Mizo mipuiten pawi kan ti em em a ni a ti.
Lalthlengliana chuan, Israel Pointah thusawiin, Home Minister, R. Lalzirliana’n dawt sawi a ching lutuk hi sim mawlh teh se, a ti a. MNF Sorkara Minister, Pu Lalrinchhana’n Vety College Library lungphum a phum tumin coconut a sawh keh anga a sawi chu, amah ngei ka han zawt chiang a, Pu Rinchhana chuan, ‘Coconut sawhkeh tir min tum kha, ka tih chi anih loh thu ka hrilha, hnam dang pakhat an sawh kehtir ta mai mai a nih kha,’ tih min hrilh a. Hetianga Home Minister dawt sawi thin hi, a huatthlalaawm takzet a ni a ti.
