Fur khawchhe hnuaiah Mizo film hautak leh senso tam ber tura ngaih 'KHAWNGLUNG RUN' film shooting chu zawhfel a ni ta.
He Film-a senral zawng zawng hi a pawisa fai chuan cheng nuai 7 chuang tura ngaih a ni a, hei bakah hian mithahnemngaite`n tha leh zung bakah hmanrua, lirthei leh thil tul dang tam tak an thawh bawk. Khawnglung khua atan hian In sawmthum vel sakchawp a ni a, heng Inte hi halral leh vek an ni nghe nghe. Tin, he film-ah hian mihring 300 atanga 400 vel lang tura ngaih a ni.
He Film shooting chhung hian buaina tam tak an tawk a, Tuilian, zum leh hriam kara shooting hi neih thin a nih avangin intihpalh avanga hliam tuar engemaw zat an awm a, he film-a changtute zinga mi, role pawimawh tak nei pakhat, shooting chhunzawm thei lo khawpa Damdawi Ina zai ngai a awm avangin hun engemaw chen shooting pawh a khaihlak phah nghe nghe a ni. Shooting hi Motor leh khawl thil ri velin a tihbuai a rem loh mai bakah background-a a hunlai mil lo thil a lan a rem loh avangin Ramhnuai hla tak takah kea hmanrua inthiar chawpin neih thin a ni. Lunglei khaw chhehvel bakah Thenzawlah te, Vanva lui, Mat lui leh Tlawng luiah te shooting neih a ni a, Lui tuilen lai a nih avangin fimkhur a ngai em em a, venhimna lam pawh uluk taka buatsaih a ni.
Dt.13.07.2010 Thawhleh zan khan he Film-a Scence shoot hautak ber tura ngaih 'Khaw hal scene' chu Zan dar 8 vela tanin; a tuk zing dar 10 velah zawhfel hram a ni.A hma ni chiah 12.7. 2010-ah nilengin he scene hi shoot dan tur uluk taka buatsaih leh zirchhin a ni a, a tuk 13 zanah mi 100 vel shooting a tel turin an thawkchhuak a, vanneihthlak takin hemi zan hian ruah a sur lo hlauh a, tluang takin shooting hi kalpui a ni.
Tunah Leitlang Pictures Studio ah editing hna tan turin an inbuatsaih mek a, cut edit mai bakah graphic leh effects tam tak siamchawp a ngaih dawn avangin edit hun chhung pawh a rei phah dawn a, September emaw October vela release hman tum a ni.
34 comments:
Mapuia duhsakna ka hlan. I ti ropui hle mai. en vat vat nghahhlelawm. Best of luck
En a chakawm tawh hle mai mahse, hmeichhia te mithmul leh Lusei mipa te lu hrenna kha Nuai 7 senna movie atan chuan in uluk lo mah mah ka ti.
Engpawh nise, en chak tawh tak chungin ka lo nghak char char ange, ka dam chuan ka dawr ngei ang che u.
En ve a chakawm hle mai...
tunge director ni a.........."Khawnglung Run" tih awmzia hi enge tih vel kha a hre duh hi an awm mial ang a.
En chak tawh tawps.... thanx for this great information.
An sum sen a tam si, miten a ruka an lo write leh sup sup vaih chuan an chhe duaih dawn tihna...
Mizo war story hmingthang ber film-ah an siam dawn a ni a, Mizote an tihbeidawn loh ka duhsak e.
Mapuia Direct anih cuan a tha leh vek mai ang
Nghahhlehawm!District capital leh khaw lian deuh2 ah te hi chuan Cinema Hall nei ve tawh ila, ka duhsak hle mai che u...
A ni khawp mai. Cinema-a han en vel a chakawm a ni.
vin en ve chak eeeeee....
picture piah lamah sound uluk se, a hmuhnawm leh nawmloh a hril nasa sia.
mapuia edit nih chuan Picture lam chu hmuh nawm ngei ang, sound lam hi ziaom se, a hmuhnawm leh nomloh a hril ve sia.
Mapuia thawhrim rah chu zoram mipuiin kan hmu tep e, a lawmawm takzet. Effect hmang tam lova, fiah felfai taka a rawn chhuah ngei kan beisei e. Hmar tawp Kolasib atangin Leitlang kutchhuak nghakhlel takin kan lo thlir reng e.All the best.
Ka en chak bon tops toh!!!!
engtik nge a en theih dawn le aw....kalo hre miahlo a....ka interest khop mai....ka phur hle mai.....telve hial poh a chakawm a lawm le....
Mapuia hnuaia thwk Lka kha i hmeltha twp.. N cakwm twh hle my
Eeeeee!!!! A ropui tak tak a ni ...... hetiang mi an awm hi ka lawm thin ngawt mai
A ropui ka ti thlawt thlalak thenkhat ka en hian.... ka en chak tawh lutuk hi ka tawt up up in ka hria.
Engtik ah nge en theihin a awm dawn le?
en a chakawm tawh hle mai
Kanva nghak rei ta ve! Chhuak tep tawh e?
ka en chak tawh khop mai he film lo piang tur hi
A chhuak tep tawh ang
lo en chiah ila
Van en chak toh tak
engtik ge release dawn a..kan va nghakhlel toh ve le
An ti zo tawh em? A nghahhlehawm kher mai.
Actors/actresses-te hian an phu tawk hlawh hmu ve ngei tawh se. Tun hma lama Mizo film siam tawh hoah khan a changtuten hlawh hmu mang lova, lawmthu tawngkama inhrilh satliah ringawt thin a ni awm e, a bikin sponsored a nih phei chuan a lion's share hi a starring ten an chan turah ka ngai.
En a va nghalhhleh awm ve.eng ang takin nge an chan tih hriat a chak awm tawh khawp mai.
Ka en chawk tawh khawp mai....
a changtute kha an thau deuh em te ka ti mai mai. A hunlai ngaihtuahin tiang ang sa tha deuh kha an van hmel si a.
Shillong lam atang pawhin kan lo nghakhlel tawh viau ania.... han release thuai teh u khai!
realse vt ula kan va ti ve aw
Post a Comment