Khawnglung Run film tlangzarh tura peihfel a ni ta

    Khawnglung Run film preview chu June 7, 2012 khan Mapuia of Leitlang Pictures Studio-ah neih a ni a, he film-a inhnamhnawih leh tualchhung chanchinbu mite kan kal a; a hmuhnawm khawp mai.
    Mizo film siam tawha hautak ber, sum sen hnemna ber 'Khawnglung Run' hi tlangzarh theih tura peih fel a ni tawh a, zaithiam lar Alex Lalchhuankima chu he film-a a changtu ber Chala lemah a chang a, Thangi lemah Zoremsangi a chang a, anni pahnih hi Aizawl Chawnpui ve ve an ni.
    Aizawl leh Lunglei a mite bakah Thingdawl, Serchhip leh Chhingchhip atangin pakhat theuh an tel bawk. He film chang tura inhnamhnawih zawng zawngte hi 300 zet an ni a, zaithiam lar Lalropuii Pachuau leh CR. Laldingliani te pawh an tel. Zoremsangi hi National School of Drama atanga training chhuak tawh a ni a, acting-ah talent a neih tha hle.
    He film siamna a tan hian cheng nuai 10 chuang an seng a, Darkhuang tlangah Thla hnih chhung riahchilhin tunhma Mizo khua ang thei ber turin In an sa a, he khua dinna a tan ringawt hian cheng nuai 3 chuang an seng a ni.

Posted in: TUALCHHUNG