Nimin khan Thenzawl MZP Sub-Hqrs.bultumin Thenzawl khawchhunga Political Party hrang hrangte leh NGO (YMA, MHIP, MUP, MSU) ten Thenzawl-a awm tura sorkar hotu lu ten an sawi leh an puan tawh Lengpuia dah tura tih anih leh tak chungchangah Lungawiloh lantir nan Thenzawl Field Veng, Aizawl-Lunglei (World Bank Road) kawngpui lun laiah an pungkhawm.
Motor dan an tum chu thuneitu lamin remti lovin, tum 2/3 an innawr a, hetia mipui leh Police innawrnaah hian Police ten tiang lekin, mipui pungkhawm hi an vua a, remna siam tuma ban phar Thenzawl East VCP Lalropuia Sailo chu Police ten a luah thisen chhuak khawpin an vua a, Thenzawl Community Health Centre(Damdawiin) ah hruai a ni a, X-ray in, First Aid pek a nih hnuah chhuah leh a ni. Ani bakah hian, Police kut tuar mi 5 lai Dawmdawi Inah hruai an niin, first aid pek an ni.
Mipui pungkhawmte hian a tir lamah chuan kawngpui hi an dang thei lova, a hnua pungkhawm an tam deuh hnu chuan kawngpui dangin, kawng an zawh a, pawl hrang hrang aiawh ten thu an sawi. An kawng zawh chhung hian darkar khat leh a chanve vel kawngpuiah hian lirthei kal tlang thei lovin an tangkhang a ni.
He Lungawiloh lantir naah MZP Sub-Hqrs, President V. Laltlanzova bakah, MZP Headquarters, Lunglei President Eric Zomuanpuia, MZP Headquarters Serchhip hruaitute leh Party hrang hrang leh NGO aiawh ten thu an sawi a, thusawitute chuan, Thenzawlah NIT hi dah ngei an duh thu te, Thenzawla sorkar hmun pawimawh sawn chhuah thin anih an duh loh thu leh, hmun pawimawh apiang Aizawl leh a chhehvel ringawta ekbeng thin an duh loh thu te, Chhim lam enhrang bik nia an inhriat thu te an sawi hlawm.
Kawng zawhtute hi au rualin, NIT Thenzawla dah tura ngaih tawh, sawn ani leh an lungawiloh thu te, Thenzawla NIT dah let leh an duh thu te, VCP kuthlak tu an dem thu leh hrem an phut thu te an aupui a ni.
Mipui kawng zawh hi an thahnem hle a, Police lam pawh PTC, Thenzawla mi leh Serchhip atangin DSP hovin thahnem tak an duty a, buaina lian tham lutuk chhuak lovin, boruak muanawm tak hnuaiah kawng zawh hi an zo fel a ni.
Kawng zawh mai bakah hian, nimin dar 9 leh dar 11am inkarah khan Thenzawl khawchhunga Dawr zawng zawng khar a niin, Sorkar Office pawh khar vek tura ngen an ni a, In -ah puandum an zar a, Lirthei an che chhuak lo bawk.
MZP hruaitute chuan Thenzawl Forest Division sawn chhuah tumna awm te, Thenzawl-a Sorkar Office-a awm tur hnathawk awm lo tam lutuk te, tun thlenga SDO(C) Office leh Quarter pawh la awm lo te, Sorkar-in an khua chu a hlamchhiah lutuk nia an hriat thu te sawiin, theihtawp chhuaha hmalak chhoh zel an tum thu an sawi a ni.
Motor dan an tum chu thuneitu lamin remti lovin, tum 2/3 an innawr a, hetia mipui leh Police innawrnaah hian Police ten tiang lekin, mipui pungkhawm hi an vua a, remna siam tuma ban phar Thenzawl East VCP Lalropuia Sailo chu Police ten a luah thisen chhuak khawpin an vua a, Thenzawl Community Health Centre(Damdawiin) ah hruai a ni a, X-ray in, First Aid pek a nih hnuah chhuah leh a ni. Ani bakah hian, Police kut tuar mi 5 lai Dawmdawi Inah hruai an niin, first aid pek an ni.
Mipui pungkhawmte hian a tir lamah chuan kawngpui hi an dang thei lova, a hnua pungkhawm an tam deuh hnu chuan kawngpui dangin, kawng an zawh a, pawl hrang hrang aiawh ten thu an sawi. An kawng zawh chhung hian darkar khat leh a chanve vel kawngpuiah hian lirthei kal tlang thei lovin an tangkhang a ni.
He Lungawiloh lantir naah MZP Sub-Hqrs, President V. Laltlanzova bakah, MZP Headquarters, Lunglei President Eric Zomuanpuia, MZP Headquarters Serchhip hruaitute leh Party hrang hrang leh NGO aiawh ten thu an sawi a, thusawitute chuan, Thenzawlah NIT hi dah ngei an duh thu te, Thenzawla sorkar hmun pawimawh sawn chhuah thin anih an duh loh thu leh, hmun pawimawh apiang Aizawl leh a chhehvel ringawta ekbeng thin an duh loh thu te, Chhim lam enhrang bik nia an inhriat thu te an sawi hlawm.
Kawng zawhtute hi au rualin, NIT Thenzawla dah tura ngaih tawh, sawn ani leh an lungawiloh thu te, Thenzawla NIT dah let leh an duh thu te, VCP kuthlak tu an dem thu leh hrem an phut thu te an aupui a ni.
Mipui kawng zawh hi an thahnem hle a, Police lam pawh PTC, Thenzawla mi leh Serchhip atangin DSP hovin thahnem tak an duty a, buaina lian tham lutuk chhuak lovin, boruak muanawm tak hnuaiah kawng zawh hi an zo fel a ni.
Kawng zawh mai bakah hian, nimin dar 9 leh dar 11am inkarah khan Thenzawl khawchhunga Dawr zawng zawng khar a niin, Sorkar Office pawh khar vek tura ngen an ni a, In -ah puandum an zar a, Lirthei an che chhuak lo bawk.
MZP hruaitute chuan Thenzawl Forest Division sawn chhuah tumna awm te, Thenzawl-a Sorkar Office-a awm tur hnathawk awm lo tam lutuk te, tun thlenga SDO(C) Office leh Quarter pawh la awm lo te, Sorkar-in an khua chu a hlamchhiah lutuk nia an hriat thu te sawiin, theihtawp chhuaha hmalak chhoh zel an tum thu an sawi a ni.
0 comments:
Post a Comment